“25 let Grobničkih dondolaših, kuliko j samo zvonjav, humanitarnih akcij, putovanjih, smiha, prijateljstva, čuda lipih pa i ka manje lipa stvar more stat va to vrime. Fanj put su dečki ćakulali o ten kako in je bilo kad je njih 10-tak krenulo, oprtili su se najboje kako su onput znali, ni ne znajuć će ih ki dočekat, ali su krenuli, i vaje počeli prenašat na onega ki je za njimi došal va udrugu, svoju viziju kako bi to rabilo zgedat, kako se ponašat, ne samo prema pajdašu skin zvoniš, leh prema simi ki su snami kad obahajamo, ali i kako se ponašat prema našoj Grobnišćini.

Hvala van ča ste ustrajali kad su vas podsmih gedali, i ča ste dopejali udrugu tu kadi j danas. Z leta va leto mladići su dohajali oćutit nič ča je naš Duško videl kad je malo ki mogal to ni zamislet.

Tako san i sam postal dondolaš, osjetivši da bin morda mogal i ja dat jedan svoj mali del kako bimo zajedno simi bili na ponos, i kad obahajamo naša sela i kad remo va svit, prenašajuć na mlaji svoju jubav prema kraju ki tej zgojil i prema našimi starimi ki su nan pušćali ove navade”, rekao je to predsjednik Udruge Grobnički dondolaši Alen Haramija na svečanoj sjednici održanoj u Domu kulture Čavle, povodom četvrt stoljeća postojanja udruge.

Zvonci zvone i ruše

Haramija je istaknuo kako je nakon skromnih početaka udruga počela okupljati sve veći broj dondolaša.

– Mićerih dondolaših je ko nekad velih, a velimi je kadigod postalo i tesno delat kolo. Zvonci zvone i ruše, pot ti klizi čez hrbat, noge maste prema tvojen selu, a dih ovčje kože se sakud čuje. Judi nas dočekuju, kapo šviče, obleće oko nas, zastava se vrti, pod krabujun zijamo…

Va 25 let nismo imeli prilike načinit jedan kvalitetni audio-vizualni arhiv, skin moremo promovirat udrugu i Grobnišćinu kamo god dojdemo.

Niki judi nas od početka prate, pa nan je bilo bitno zabilježit kako nas oni sad vide i ča misle o nami, rekao je Haramija, koji se zahvalio svima koji su doprinijeli nastanku filma o Grobničkim dondolašima, kojega će, kako je dodao, nastojati prikazati u dječjim vrtićima i osnovnim školama kao svojevsrnu lektiru.

“Da dica od mićih nog znaju kakova je mesopusna užanca na Grobnišćini. Da znaju da bivaju va najlipjen kušćiću svita, pa i ako ne more bit dondolaš, morda će bit najveći majstor za zvonac načinit”.

Premijera dokumentarca

U sklopu svečanosti održana je premijera dokumentarnog filma “Grobnički dondolaši 25 let obahanja” u produkciji Creative Media. Priča o Grobničanima, odnosno cijelo audiovizualno djelo, traje ukupno 40 minuta. Za priču i scenarij bio je zadužen Fabijan Černeka.

“Film predstavlja priču o grobničkom čovjeku i mesopusnim običajima, jer postoje neke riječi koje su previše vrijedne da ne ostanu zapisane. Pričali smo o mitu koji se prenosi s oca na sina, s generacije na generaciju.

To je priča koju roditelji uvijek pričaju djeci kao basnu, kako bi im san došao na oči. Ljubav prema svom kraju je ono što pokreće i spaja, rekli bi ljudi: tu velu familiju”, rekao je Fabijan Černeka. O povijesti Grobničana i tradiciji dondolaša pričali su Rudolf Srića, Aljoša Žeželić, Saša Jovandić, Duško Žeželić, Nikola Vrančić i Frenki Fućak.

Snimanje filma zabilježili su kamermani Siniša Barčić, Vanja Perić i Krešimir Černeka, dok je Siniša Barčić bio zadužen za rad s dronom. Novinari koji su prikupljali izjave na terenu bili su Alen Haramija i Fabijan Černeka.

Za glazbeni dio filma zaslužni su skladbe “Rojeni san Dondolaš” – Rudolf Srića, “Dondolaške kumpanije” te “Rojeni kraj” od Nenada Bana. Narator filma bio je Robert Reljac, dok je scenarij napisao Fabijan Černeka, a redatelj je bio Krešimir Černeka. Film je u potpunosti ispričan na čakavskom narječju, a tekst je pregledala Sanja Zubčić iz Katedre Čakavskog sabora Grobnišćine.