SENJ – Počeo je 49. Međunarodni senjski ljetni karneval, a ključ drevnog grada podno Nehaja je u rukama maškara. Nakon dvije godine koronapauze senjski karnevalski duh je eksplodirao u svom punom sjaju. Mnoštvo posjetitelja pratilo je primopredaju vlasti, a inauguraciji meštra karnevala prethodila je mala karnevalska povorka u kojoj je bio meštar s gradskom svitom i zaposlenicima Turističke zajednice. Predvodila ju je Gradska glazba Senj i članice senjske Plesne skupine Maya’s dance nation koje su nosile karnevalsku zastavu.

Grijanje na 21, hlađenje na 25

– Puno je njih ve dane tilo doć u Senj, al ne moredu jer su svi apartmani popunjeni. Potle puna dva leta evo nas jopet na iston mestu i u isto vrime. U va dva korona leta svašta se izdogađalo, al najgore je ća ni bilo mesopusta i karnevala. Ta korona se zalipila za celi svit i arivala je nažalost i do Senja. Život je stal, sve se zaprlo, morale su se nosit maske kaj da smo na mesopustu. Stalno su klamali perite ruke i noge, kajda to prije nismo delali, držite razmak, nemojte se s nikin družit, nesmite se ljubit ni sa ženon ni sa curon, a kamoli ne stvari delat.

Delalo se online i škola se finjevala online. Nastava je išla kroz Viber, SMS, Tik-Tok… i neznan kako se to sve zove. A onda je došal veliki popis ljudi ki je pokazal da nas puno fali. Ni ni čudo jerbo puno njih gre u beli svit priko volje i znate ča zijadu da će in vani nebit lipo, al puno bolje. A sada kada je počelo novo vrime, taman kad smo se navikli prat ruke i noge, evo ti vranića, mora se šparat na vodi, eto ti inflacije, plaće i penzije dođu jedanput misečno, duradu par dan i onda prst i uho i pivaj. Kažedu da ćemo se grijat na 21, a hladit na 25. Pa nas više niš ne more ugrijat, mi smo već pothlađeni jerbo smo stalno u minusu.

Samo je čovik sve jeftiniji

Sve poskupljeva, ulje, cukar, benzin, a jedan Senjanin mi je rekal da njega ni briga ća benzin poskupljeva jer on avto stalno tanka za pedeset kun, rekao je senjskom puku prije preuzimanja vlasti karnevalski meštar Feralić.

A priča je zahvatila i Sabor jer je »kod njih obed poskupil sa 15 na 18 kun«.

– Oni očedu dilit sudbinu puka, a ča se grijanja tiče preporučan da se više stišćemo. Letrike će bit samo par sati dnevno i puno će rabit milikerci i petrolejke, sve poskupljeva, samo je čovik sve jeftiniji. Ljudi moji ki zna ča nas još čeka ve zime. Zato dajte mota i volje, jer jednog lipog dana bit će bolje. Treba živi u nadi, verovat svima, a osobito našoj Vladi. Jerbo u nadi je spas za sve nas, da budućnost bude svitlija nego ča sad izgljeda. Utovarite se svi, koliko vas ima u vaj maškarani autobus, živite za vaj momenat, za vaj karneval, za munjasanje, tancanje, pivanje, a za sve drugo ćemo mislit kad karneval fini. Zato malo tancanja, malo benavljenja, ki žmulj, malo smiha i trun griha, poručio je meštar Feralić, a ključeve grada predao mu je gradonačelnik Jurica Tomljanović. Poželio je svima dobru zabavu, ali i upozorio Feralića da pazi kako upravlja gradskim novcem.

– Nemate brige. Vi se odmorite, čeka Vas vruća jesen, a ako kadi zapnete, zovite nas, znate kadi smo, poručio je Feralić.

Danas »velika« povorka

A što se tiče zabave, puk ga je poslušao. Senjani, brojni posjetitelji i turisti zabavljali su se do jutarnjih sati uz svirku i pjesmu senjskog benda Trio Marinero, te Maju Šuput i Enjoy Band.

Jučer navečer je u okviru karnevala na rasporedu bio dječji karneval i disko party za djecu, te zabava za odrasle na trgu Cilnica uz band Opća opasnost. Poseban parformans priredila je senjska maškarana skupina Oriđinali čiji su članovi uprizorili odgođeno finale Wimbledona radi kojeg su u Senj »stigli« Princ Charles, McEnroe i druga svita. Kulminacija Senjskog karnevala očekuje se danas kada će u večernjim satima gradom proći velika maškarana karnevalska povorka i kada će maškare zajedno s posjetiteljima karnevala uz zabavu i svirku Swingexpress Banda i Igora Delača, te Elektro-karneval party i Angels Dance Company Show do jutra tjerati zle sile iz grada.