Mirjana Bobuš, pobjednica Festivala MIK 2014. publiku je osvojila pjesmom »Molitva za te« za koju je sama napisala glazbu i tekst, dok je aranžman načinio Robert Grubišić. Riječ je o kompoziciji što ju je Mirjana posvetila kćeri Tanji koja već dvije godine živi i školuje se u Australiji. Pitamo Mirjanu kad je rođena pobjednička pjesma.

Osvojila 18 nagrada

– Pjesma je nastala ove zime, va jednu uru. Dani su kratki, noći duge, a samoća ubija. Dite j’ na drugomu kraju svita i jedino ča ti ostaje je molitva. Ova moja pjesma je jednostavna, iskrena štorija svih roditelji čigova su dica prošla ća. Va njoj ni samo moja tuga, va nju san spravila i svu radost, i ponos ča je baš moja kćer med malo ljudi va svitu dobila priliku za ta doktorat. Srića i Bog da j’ toga »skajpa«, fala onomu ki ga j’ zmislel aš smo Tanja i ja, unatoč veloj vremenskoj razlike, skoro saki dan va kontaktu. Kad ti dite reče – dobro san, a va očijah mu vidiš da baš i ni tako, teško je. Ma, se va semu sritna san aš se je dobro snašla i zasad uživa.

   Mirjana se na MIK-u pojavila 1994. godine kao autorica glazbe i teksta skladbe »Zami me sobun sakamo« čiji aranžman potpisuje Saša Belša, a otpjevala ju je Karin Kuljanić. Od onda do ove godine Mirjana je MIK-u dala 36 pjesama, kao interpret na mikovsku se pozornicu popela šest puta, a osvojila je 18 nagrada. Baš kao 1997. godine te 2006. Mima je i ove godine u konkurenciji MIK-a sudjelovala s četiri kompozicije. I sve četiri su joj vrlo dobro plasirane. No, ne brine nju plasman već HTV koji je opet izigrao dogovor o direktnom prijenosu Festivala.

   – MIK je kultura našeg življenja, govora, običaja i to j’ se ča nan je ostalo, i nikako se ne smi zatrt. I onda ti se dogodi i ovo leto da MIK treba poć »direktno«, pa ga pomaknu na deset, pa na jedanajst, i konačno gre na pol noći manje kvarat. S tin nan je HTV stavio do znanja da nas ne šmirglaju ni pet posto. Žalosno i sramotno jer mi gajimo čakavicu ka je najstariji hrvacki govor, a oni nan se špotaju i delaju od nas vele mone. Ispada da smo mi na zemlji, a oni na Marsu. Ili obrnuto. Ma me više niš ne čudi, aš oni nisu u stanju ni z Rike prenosit Međunarodni karneval. Ma, ki ih šiša. Ono ča j’ bitno je da j’ ovo leto bil jedan posebno dobar MIK. Više san se nasmijala ovih jedanajst dan leh pasane dve leta. Uživala san uz ove mlade ljude – Moniku, Antonija, Gianlucu, Andreju i maloga Bottezara, uz Macola Band i Sunshine kvartet. Sritna san ča su takovi, ča će ako Bog da nastavit našimi stopami i čuvat svoje. Baš onako kako san napisala va pjesme »sagdi pojdi« – se diši, a se tvoje.

Mama na »jutjubu«

Komentirajući pobjedu na jubilarnomu MIK-u rekla je:

   – Meni ‘ saka nagrada draga kod ča je i svakomu normalnomu čoviku, ma kad mi j’ Tanja javila da j’ svojimi kolegami, ki su z celoga svita došli na »Australian National University« prevela »Molitvu za te« i pjesmu »Mojoj hćeri«, pa ponosno pokazala mamu na »jutjubu«, to j’ mene bila najveća nagrada.