Grad: Rijeka (DHMZ)
Danas: 21° 1
Sutra: 21° 21° 1
19. kolovoza 2019.
Susret u travi iza kuće

Kako je Alen Polić susreo 'Slavena' Pakistanca: 'Ne sudi nikoga dokle ne obuješ njegove postole'

Foto Marko Gracin
Foto Marko Gracin
Autor:
Objavljeno: 29. srpanj 2019. u 15:52 2019-07-29T15:52:55+02:00

Slaven Miš bil je mokar ko miš. Nikad nisan videl tako črne oči i tako črne vlase i tako bele zube i nikad nisan videl da se tako niki trese, opisuje Alen Polić

Alen Polić, cijenjeni pjevač i vlasnik OPG-a, zatekao je danas u travi iza kuće mladog Pakistanca u teškoj situaciji. Susret s njime i sve što se potom odigralo, a pokazuje veliko srce njegovih roditelja i susjeda opisao je u postu na Facebooku. Mali je Pakistanac, piše, bio mokar kao miš, a sam malo veći od miša.

- Naravno da j uslijedila panika aš kod nas je panika ako j miš va kući a kamo li ako j pakistanac Slaven veličine miša iza kuće. Naravno da j moj stari ki iza kuće ima više staroga železa nego Džamonja zajedno zavriskal: Nimamo staroga železa!!!!

I pri tomu se ljubomorno nagnul na poveći kup veš mašina, šporheti i kadi, pri čemu se jedan starinski železni kabal zlokobno zavogal na vrhu, neka gre ća. Na to je došla i mat ka se panično boji migranti i sega vezanoga uz te strašne krvoločne narode ki naoružani do zuba vrebaju po šumi ne bi li koga katolika zaklali i glavu mu nabili na kolac.

Va drvarnicu š njin va dr-var-ni-cu!!!!! Šapćala j mat ko da skrivamo Osamu bin Ladena a ne Slavena Pakistanca veličine miša.

Kako cemo ga va drvarnicu za majku božju????

Zavriskala j: Zarazne bolesti!!!! Ča ti ne čitaš portale???

Slaven Pakistanac Miš na slabomu engleskomu j prosaptal: Pliz call police!

Va drvarnici su naravno drva i dvi kantride, mala i vela. Otac je Slavenu savjetoval da side na manju kantridu, aš da ako pade va nesvjest da će z nižega past pa da se neće jako zadit. Se to mu je objašnjaval na lipomu čakavskomu jasno i razgovjetno ko da j Slaven z Plase a ne z Pakistana, opisuje Alen Polić.

'Slaven' je sjeo na stolčić, odložio ruksak kraj sebe i lice zaronio u ruke. Tresao se tako kako Alen Polić nikada nije vidio da se netko trese.

- Slaven Miš bil je mokar ko miš. Nikad nisan videl tako črne oči i tako črne vlase i tako bele zube i nikad nisan videl da se tako niki trese.

Va tri skoka strašljiva mat se pretvorila va ono ča j i saka mat i doletela z sendvićun, naravno bez salame aš da ako j musliman da neće otit jist.  Slavenu smo dali sendvić. Na toj otac doletel z najvećun jaketun na Zlobinu da neka se ogrne.

Kako smo ustanovili da se trese od umora, gladi i mokre robe, Slavena smo kompletno preobukli osim postoli, broj 45 nimamo va kući. Va celoj toj proceduri doletele su dvi susede i jedna j pred Slavena hitila 10 pari postoli broj 45 i rekla: 'Na!neka si se te postole zame!',

Na to j ova druga rekla: 'Policija će mislit da postole šverca ča će mu tuliki postoli. Viš ove mokasinke bin si ja mogla zet za Damira un nosi broj 45'.

Stisnula j mokasinke pod pazuh i ode. Kakoj prošlo već neko vrime i Slavena smo zrihtali život na Prinki pomalo se počel vraćat va kolotečinu. Mat je kuhala, otac cipal drva, Damir šetal va novimi mokasinkami, a ja i Slavenko sideli smo va drvarnici, piše Polić.

Ispričao mu je 'Slaven' da mu je ovo šesti put da ga vraćaju iz Hrvatske u Bosnu, da ima mamu, tatu, dvije sestre i brata i da ima 17 godina. Želja mu je otići u Italiju kod rođaka.

- Ča san ja delal kad san ja imel 17 let? Ča vaša dica danas delaju? Danas san spoznal još jedan put ono: ne sudi nikoga dokle ne obuješ njegove postole.

Slavene ja ti želin su sriću svita i fala ti ča si ne domislel kako mi j lipo, ča smo si na kupu, ča smo obedvali. Fala ti Slavene i nadan se da ćemo se srest va lipšimi okolnosti.

Možda se pitate zač Slaven? Nemam pojma, tako ga je moja mat nazvala, napisao je Alen Polić.

Novi list pratite putem aplikacija za Android, iPhone/iPad ili Windows Phone.

HNK Rijeka